विद्यापीठ गीत

गोंडवाना नव तपोवन आदिजन वन परिसरी 

विश्वविद्यापीठ हे ज्ञानाचर्णा या मंदिरी || धृ || 

स्त्रोत आदिम संस्कृतीचा, या प्रदेशी निर्मळ 

शास्त्र, विद्या अन कलेतून अमृताचे ओहळ 

त्या झ-यांना करूनि विकसित मिळवू विद्यासागरी || १ ||

शास्त्र, वाड‍ःमय, तंत्रविद्या व्यावसायिक ज्ञानही 

अर्थ वा वाणिज्य क्रीडा अन कला विज्ञानही 

नित इथे बहरेल प्रतिभा नवयुवांच्या अंतरी || २ ||  

ज्ञानगंगा पुण्यपावन जीव तिजसंगे शिव 

उचित संस्कारेच जगती श्रेष्ठ ठरतो मानव 

उंच , उन्नत झेप घेतिल छात्र इथले अंबरी || ३ || 

दलित , पीडीत , दीन , शोषित सर्व जाती बांधव 

ज्ञानपीठी या निमंत्रित शिक्षणोत्सुक मानव 

प्राप्त विद्येनेच मनुजा अभ्युदय या भुवरी || ४ ||

बन्धुता , स्वातंत्र , समता , न्यायनीतीला जपावे 

विश्वशांतीस्तव नवे आव्हान हे पेलून घ्यावे 

ज्ञान , अस्त्रानीच निश्चित विजय जीवन संगरी || ५ ||